السبت، 26 فبراير 2011

ملهمة الشعر

احسن حياه انك تعيش ابلا  فكر
ولا تحس ولا يجي عندك شعور
واحسن حياة اتوصل لحد السكر
 من دون لاتشرب ولا تقعد تخور
واحسن حياة اتعيش في جو السحر
من دون لا تكفر و لا تعمل سحور
واحسن حياة تشوف ملهمة الشعر 
 اللي تزيد النور في دنياك نور
ام العيون النجل حالية الثغر
المدخله بالقلب انواع السرور
الثلج وسط الثغر من دونه جمر
والخد حاوي كل انواع الزهور
الخصر حدد مشكلة هذا العصر
 فقري و تحته زاد يكفي له دهور
منها يغار الورد و يغار الزهر
انفاسها ازكى من اطياب العطور
ومنها يغار النجم و يغار القمر
 جمالها غطى على بدر البدور
لبى الجبين و لبا مصقول النحر
لبيه يا عمري على مر العصور
احسن حياة ايمان ما خالط كفر
 وانك تعيش بقلب سيدة الشعور
٢٠/٩/١٤٣١ هجري

ليست هناك تعليقات:

إرسال تعليق