السبت، 31 ديسمبر، 2011

قلب للبيع



من يشتري قلباً من الطيب مليان 
طيبه مخاوي الدم داخل وريده
من يشتري قلبي لا يحسبه غلطان 

 قلبي عطى العالم سعاده مديده
لو كان ما حصل من الناس شكران

واذا صحى يصحى بطعنه جديده
من يجزي المعروف بالوقت نكران 

 في هالزمن يحسب حساب الوليده
و اللي وفاء بالوقت بالحيل خسران 

 خبلً وله عقلً يشيله بليده
يعني زمنا ذا زمان ال جحدان 

يعني زمان اللي تصيده تصيده
و اليوم ابعلن للملاء اطلق اعلان 

ببيع قلبي لي واحد يريده
مهوب غش الا محنه وسفطان 

 من جربه يلقى العلوم الوكيده
و أبا توجه للولي عالي الشان 

عساه يكتب لي حياةً سعيده


٢٩ / ١ / ١٤٣٣  هجري