الأربعاء، 16 فبراير 2011


     
وين ما يمطر سحاب الشوق يأتيني خراجه
كني أخر من ملك له قلب ودموعٍ عصيه
وأني أجمل من خيال الشاعر المطوي سراجه
وأنتي أنتي لا شبيه الاالبدايات ألنديه
والله أن النوم لأمر الجفن شفته سماجه
كيف أنام وفوق هذي الأرض من يعطف عليه
وإنتي اللي روضت جرحي وسميتي علاجه
سمته أو سمته راضيه لو هو تسبب فا المنيه
وأدري أنك ترحمين القلب يا سر ابتهاجه
وأدري أنك مورقه بالطيب يالنفس الرضيه
ياثبات النور.. والنور في عز إرتجاجه 
 يارتجاج الغصن لا هزّت مراجيح الصبيه
ياشجرْ لاح لعيون القلب في وسط العجاجه
يا مطر بللّل هدب روحي وضمنه يديه
أدري الذكرى تمر القلب وتكدر مزاجه
لكن الميعاد غير اللي مضى لك ياشقيه
قولي حاجه يالذ من المواعيد أي حاجه 
 بس لا نبقى كذا مثل الرضا والعنجهيه     
 

هناك تعليقان (2):

  1. كيف أنام وفوق هذي الأرض من يعطف عليه
    وإنتي اللي روضت جرحي وسميتي علاجه

    رااائعة هاوي
    زادك الله من فضله

    متابعة لقلمك الكبير

    ردحذف
  2. هلا وغلا فيك رنا
    وزادك الله من فضله
    واتشرف بمتابعتك
    دمتي بالف خير

    ردحذف