السبت، 31 ديسمبر، 2011

قلب للبيع



من يشتري قلباً من الطيب مليان 
طيبه مخاوي الدم داخل وريده
من يشتري قلبي لا يحسبه غلطان 

 قلبي عطى العالم سعاده مديده
لو كان ما حصل من الناس شكران

واذا صحى يصحى بطعنه جديده
من يجزي المعروف بالوقت نكران 

 في هالزمن يحسب حساب الوليده
و اللي وفاء بالوقت بالحيل خسران 

 خبلً وله عقلً يشيله بليده
يعني زمنا ذا زمان ال جحدان 

يعني زمان اللي تصيده تصيده
و اليوم ابعلن للملاء اطلق اعلان 

ببيع قلبي لي واحد يريده
مهوب غش الا محنه وسفطان 

 من جربه يلقى العلوم الوكيده
و أبا توجه للولي عالي الشان 

عساه يكتب لي حياةً سعيده


٢٩ / ١ / ١٤٣٣  هجري

الثلاثاء، 3 مايو، 2011

انا على يمناك لصابـك  الضيـق
حرام لقلبهـا عليهـم  حريقـه
جرب وتلقى الفعل ينبيك تصديق
أغير الاوضـاع بأيـة  طريقـه
على الولي علقت دعوي  تعليـق
والا على الاجواد مالـي عليقـه
ابلعن الشيطان غبشه  وتشريـق
والله لانشف كل جاري ب/ريقه
انا معك منزالنا عالي طويق
على العرب مثل النجوم المويقه
الواثق بنفسه ما يحتاج توثيق
فعله بوقت الجد احسن وثيقه
واللي يبي بين الاصاحيب تفريق
الله يطفي من عيونه بريقه
ابشر و تلقاني ليا حدك الضيق
لاجلك لا خلي الكون كله حريقه
١٤/٥/١٤٣٢ هجري

السبت، 2 أبريل، 2011

البارحه فكرت والطرف سهران

البارحه فكرت والطرف سهران = وجلست احلل وضعنا وحتواسه
حنا نعيش بمجتمع يقلب الوان = صديقك البارح يدورك فاسه
سياسة الواقع وتقسيم الاوطان = اقصر طرق روما الى الانتكاسه
ما همنا ندب الارامل اب لبنان = الدود ناخر مجتمعنا وساسه
حنا بشر نحيا على شان ننهان = نموت لجل انقول تحيا الرياسه
كان الاسد يزئر شجاعه وله شان = واليوم قامت تفترسه البساسه
سياستي ياصاحبي طوق كتمان = لن السكوت بحد زعمي سياسه
مافات خله عنك مهوب برهان = انسه ولا يحسب علينا رماسه
ياذيب يابن الذيب صاحبك تعبان = من غيبة الغالين موجعه راسه
لاشفت حالي بين دمعات واحزان = صفقت للخفاق من قوى باسه
ياخوك انا ضايق وحاير وطفشان = من شوق خشفا"صارحبه قداسه
قلبي معه صافي على طول الازمان = عجل" على صبه وبيديه كاسه
لاهو كسرني لجل ترتاح الاجفان = ولاهو تركني للزمان ويباسه
تعوتل بحلقي مع اصوات الاذان = مدري دلع ولا دخل به نجاسه
من كثر حسنه لودخل جامعة كان = ينحط له منهج يدرس ادراسه
اليا ضحك كنه من الملح سكران = توته على توته وبالقلب ماسه
واليا بكا وامطر على الخد ودان = خاويت كفي يم خده عساسه
واليا وقف كنه من المجد رويان = واليا قعد تحضنه الارض بشراسه
طاح بيده وردن مثل لون الاوجان = بغى يشم الورد و الورد باسه
يشوفني بالكون ذا كله انسان = وعيني تشوفه كل كوني وناسه
ياذيب يابن الذيب صاحبك تعبان =ومصدع وضايق وموجعه راسه

الخميس، 17 مارس، 2011

السؤال الحائر


توارت عن حياة اللي يسمونه هله مقرود
ثلاث سنين ما يدري وش الأسباب بغيابه
غيابه والحزن سوا بحاله شي مو معهود
سوات الريح لاهبت مع النيران في غابه
سواتٍ صرّمت فيه الحشى تصريمة العنقود
سواتٍ شيّبت من كودها الشعرات باهدابه
سواتٍ خلت الأيام في عينه ليالي سود
يبات ودمعة عيونه على خده ويصحا به
كأنه من توفى له بعد يأس الضنى مولود
بعد ما جهّز الافراح والألعاب وثيابه
من اللي حلل لذبحه وشب النار بالبارود
من اللي قاد عمره للهلاك بغيبة أحبابه
من اللي حدها ترحل ولا قالت متى بتعود
ولا حتى رسالة تجبر الخاطر ويهنا به
من اللي قد حملها للغياب وذبحة الملهود
وهي من بد خلق الله تعرف الحال وادرابه
سؤالً ما لقى في صفحة التأويل أي ردود
ولا في صفحة الأعذار تبريرات لغيابه