دلوعةً في كفها نص حلوى 

 مبغى الحلا ودي بكفً يشله
ومن الحلا تطغى على كل بلوى

والقلب في لحظه تجي تستحله
ما مثلها نجوى ولا البنت سلوى

بالزين دوله وحدها مستقله
تخلف شعور اللي بدينه تقوى 

 من شافتها قلبي شلع من محله
في ثغرها براق في عرض نوا

ورموشها حراس جيشً مطله
والعنق حسبي فيه يا ويش سوا

عز الله انه شد قلبي وتله
الخصر لو تلويه بشويش يلوى

والردف نابي والمواطي تقله
من بيننا حبل المسافه تطوى

وارواحنا مع بعضها مسفهله
حلاوةً في كفها نص حلوى

نويت احلي بالحلا اليوم كله

20/ 1/ 1432 هجري

مقتطفات من شعري

اقصر على ذيك ثم ولع على هذي = والطبخه النااجحه  حذرا  تخربهـا
واليا شربت المرق يا صاحبي عادي = اللي على النـار ذلحينـه تجربهـا

ـــــــــــــــــــــــــــــــــــــــ
الحر له ماكـرً  وللبـوم  ماكـر =وانتي على بالي عنـودن  فريـده
اثر البراقع لاكثر  الشـر  ساتـر= كنت احسبك بيضا واثارك عبيده
ــــــــــــــــــــــــــــــــــــــــــ

تب تختبر وش كثر خلك يحبك = حرك مؤشر غيرته لو  دقايـق
يجيك طايش ثم يقعد  يسبـك = ثواني تولع حياتـك  حرايـق
ينثر ثم يرجع بكاسه  يصبـك = ويقول لك قطع  جميع  العلايق
ــــــــــــــــــــــــــــــــــــ
ما نيب متحسف على فعلي  الزيـن = لني على هـذا كبـرت  وتربيـت
ولا نيب اجازي راعي الشين بالشين = وارفع مقامي عن  مقام  السرابيـت
ـــــــــــــــــــــــــ

ابنصحك لاتمتحن صبري عليك
واذوقك قهر الحيـاه  ومرهـا

ـــــــــــــــــــــــــــــــ

هذا زمـن فيـه العـرب مستلجـه
تضحك على صاحي وتسمع لمجنون
واذا عطيت الخير شخـصً  يدجـه
يقول ما عندي لذا الخيـر ماعـون
ــــــــــــــــــــــــــــــــــــــ

احياني ودي وبعض احيان مـا ودي
واحيان اقول الهـوا كـوره وملعوبـه
واحيان ضدي وبعض ايام مو ضدي
واحيان اقول العرب بالجـد ملقلوبـه
ضحكه وكلمه لهـا مفعولهـا الجـدي
والنفـس فيـمـا تـريـده دوم متعـوبـه

ـــــــــــــــــــــــــــــ
تعبت مـن طـرد المقفـي ولا مـاه
من يطرد المقفي من العقل خالي

ــــــــــــــــــــــــــــ
تعبت مـن طـرد المقفـي ولا مـاه
من يطرد المقفي من العقل خالي

ــــــــــــــــــــــ

لو كل شخصً تحبه تقدر تطوله
ما كان ذقنا الالم والقلب ريحنـا
 

ـــــــــــــــــــــــــــ
الحب في الدنيا مقدر ومكتوب = يدخل بقلب الرجل من دون داعي
يسطي عليه ويصبح العقل مسلوب = يثر عليه الين يرمي الشراعي
ــــــــــــــــــــــــــــــــــــــــــ
الخصر ناحل و الردايف منيفه
والعين عين الحر مفني الصوايد
والنهد زامي و النواظر مصيبه
والعنق عنق اللي تقود الفرايد
في حضنكم نالقاء الحياة المريفه
في شفتك خمر ماهو بالموايد
بالزين كله مالك ايت وصيفه
الله يكافيك الشقى والكوايد

شاقني صوتك

يقولون الرجال

البارحه ما طب في عيني النوم 

 لني فقد من النشاما وليده
عبدالله اللي للمهمات زيزوم 

 مقدام ربعه باليال الشديده
عساه بالجنات ساكن ومرحوم 

 يرحمه ربً راحمً في عبيده
يابوفهد ماصار قدرً ومقسوم

اخوك بأذن الله بجنه سعيده
الموت ياخذ بين شجعان ورخوم

و ما ينفقد ياكود رجلً فقيده
اخوك رجلً بالفعل وصل لنجوم

 هذا الكلام اللي عليه الوكيده
يا علي لو حزنت منته بمليوم 

 اصبر و ربك يفعل اللي يريده
عزاي لمحمد عسى الحزن مختوم

الله يعينك والحزن ما يعيده
ادري المصيبه كايده والحزن كوم

والصبر فيه الرجل يرفع رصيده
الله يجبر فقدكم دايم الدوم

ويجبر عزاكم يالرجال الحميده
شاركتم بالحزن و القلب مكلوم

بالدمع طول الليل عيني جويده
البارحه حسيت ماني مع القوم 

 لني فقدت من النشاما وليده

٢٥/١/١٤٣٢ هجري

البارحه ضاقت علي و نصيته 

 تركت غيره طامعاً لذة حماه
يا سامعً صوتي ليامن دعيته 

ياللي جميع الناس في رجوة رضاه
(إ)مقصر بحقه و يامعصيته

ارجي لعفوه و ارتجي فضل رحماه
على الهموم اللي بقلبي نخيته 

 (إ)هموم تطويني ولا هيب تخفاه
اسأله بالرحمه وعطفه رجيته

فيه الامل نرجيه ما نرجي سواه
ليل الهموم اللي لفتني  سريته

وازريت لا يقضي مسايه ومسراه
همً تمكن بي وانا ما قويته

خطرً يجز القلب في حد شلفاه
المشكله ما هيب خلً هويته 

 المشكله عمري من ادناه لقصاه
لكن ليا ضاقت عليه نصيته 

 ربً يجيب اللي خضع له وينصاه

٢٠/١/١٤٣٠ هجري