البارحه ما طب في عيني النوم
لني فقد من النشاما وليده
عبدالله اللي للمهمات زيزوم
عبدالله اللي للمهمات زيزوم
مقدام ربعه باليال الشديده
عساه بالجنات ساكن ومرحوم
عساه بالجنات ساكن ومرحوم
يرحمه ربً راحمً في عبيده
يابوفهد ماصار قدرً ومقسوم
يابوفهد ماصار قدرً ومقسوم
اخوك بأذن الله بجنه سعيده
الموت ياخذ بين شجعان ورخوم
الموت ياخذ بين شجعان ورخوم
و ما ينفقد ياكود رجلً فقيده
اخوك رجلً بالفعل وصل لنجوم
اخوك رجلً بالفعل وصل لنجوم
هذا الكلام اللي عليه الوكيده
يا علي لو حزنت منته بمليوم
يا علي لو حزنت منته بمليوم
اصبر و ربك يفعل اللي يريده
عزاي لمحمد عسى الحزن مختوم
عزاي لمحمد عسى الحزن مختوم
الله يعينك والحزن ما يعيده
ادري المصيبه كايده والحزن كوم
ادري المصيبه كايده والحزن كوم
والصبر فيه الرجل يرفع رصيده
الله يجبر فقدكم دايم الدوم
الله يجبر فقدكم دايم الدوم
ويجبر عزاكم يالرجال الحميده
شاركتم بالحزن و القلب مكلوم
شاركتم بالحزن و القلب مكلوم
بالدمع طول الليل عيني جويده
البارحه حسيت ماني مع القوم
البارحه حسيت ماني مع القوم
لني فقدت من النشاما وليده
٢٥/١/١٤٣٢ هجري
مؤلم فقد الأحبة !
ردحذفأبيات برغم مرارتها ونزف حروفها المؤلم إلا أنها رااائعة وذات شجن .
فيض شكر لقلمك الكبير