الأحد، 30 يناير 2011

دلوعةً في كفها نص حلوى 
 مبغى الحلا ودي بكفً يشله
ومن الحلا تطغى على كل بلوى
والقلب في لحظه تجي تستحله
ما مثلها نجوى ولا البنت سلوى
بالزين دوله وحدها مستقله
تخلف شعور اللي بدينه تقوى 
 من شافتها قلبي شلع من محله
في ثغرها براق في عرض نوا
ورموشها حراس جيشً مطله
والعنق حسبي فيه يا ويش سوا
عز الله انه شد قلبي وتله
الخصر لو تلويه بشويش يلوى
والردف نابي والمواطي تقله
من بيننا حبل المسافه تطوى
وارواحنا مع بعضها مسفهله
حلاوةً في كفها نص حلوى
نويت احلي بالحلا اليوم كله
20/ 1/ 1432 هجري

ليست هناك تعليقات:

إرسال تعليق