الحزن اشوفه كاسي كل زينك  

تخفيه عني ضحكتك بس بااين   
الدمع اشوفه مجتمع وسط عينك

 ودك بنثره بس ما هوب هاين  
الهم طاغي فوق غالي حنينك

والعمر لابده مع الوقت زاين    
يا عل تتهني بباقي سنينك

واللي كتبه الله على العبد كاين  
هذي يدي تطلب مواصل يدينك

والقلب اشوف انه على القلب ماين  

الهم

الهم فيني عانق اسوار واسوار 

 والليل ما يرحم والأوضاع شينه
علمت انا بغيابك الشوق واحتار

ألين شفت الدمع باطراف عينه
صبرت حتى هاجر الصبر وانهار

وبكيت مع نآآآآي السنين الحزينة
ونسيت بعض (إ)حروفي بجوف الافكار

اللي مضغها الوقت في ساعتينه
كانت هنا طفله وكنا هنا صغار

وكانت علاقتنا علاقه متينه
نظراتها تسمح لك تراجع شهار

واشفاتها يا ناشد الموت وينه
كانت تشيل الثلج من وجنة النار

وكانت تنام امن الدلع في يدينه
وكانت تكفل للمدينه بالانوار

واليوم باعت للظلام المدينه
ياقلب لاتنشد لياليك وش صار

هذا طريق وكلنا سالكينه

20/5 /1429 هجري